Джил Болти Тейлор
АНУ-ын мэдрэлийн анатомич. 1959 онд Кентукки мужийн Луисвилл хотод төрсөн.
Түүний ах нь шизофрени өвчтэй байсан бөгөөд тэрээр "хэвийн" ба "хэвийн бус" тархины ялгааг ойлгохыг хүсэж байсан гэдэг. Иймд тэрээр шизофрени болон сэтгэцийн бусад өвчтэй хүмүүсийн тархийг судлах болсон ба 1994-1997 онд NAMI (National Alliance on Mental Illness)-ийн удирдах зөвлөлийн гишүүнээр ажиллаж байсан.
1996 оны 12-р сарын 10-ны өдөр түүний тархины зүүн хэсэгт цус харвалт болж улмаар тархины хүнд хагалгаанд оржээ. Тэрээр бүрэн тэнхэрхийн тулд 8 жил зарцуулсан гэдэг. 2006 онд түүний "My Stroke of Insight, A Brain Scientist’s Personal Journey" ном гарсан. Энэхүү ном нь 30 гаруй улсын хэлээр орчуулагдан гарч бестселлер болсон юм.
Түүний зүүн тархины үйл ажиллагаа алдагдах үеийн сэтгэцийн байдлыг тэрээр TED Talk -д ийн ярьсан байна.
